المساعدة | خطوة بخطوة لتسويق أكلاتك علي آروبة

في الصفحه هنا هنكون معاك خطوة بخطوة ازاي التسجيل في أروبه وتبدأي بعرض وبيع اكلاتك.

في سبع نقاط رئيسية علشان تسوقي اكلاتك علي أروبة

وأول خطوة  هي التسجيل

التسجيل

اول خطوة هي عملية التسجيل ، بتختاري الباقه المناسبة، وحاليا المتاح باقه واحده فقط وهي  الباقة المجانية.

بعد التسجيل هيتم الانتقال  للوحه التحكم  الخاصه بمطبخك ومن خلالها بيتم التحكم في مطبخك علي أروبة.

اضافه اكلة جديدة

من المزبعات الملونه الموجوده فوق اضغطي علي اضافه اكله
وبعدها اضافه جديد
هتدخلي اسم الوجبه وبعدها بتكتبي اسم الوجبه بالعربي والانجليزي
بتدخلي صوره الوجبه الرئيسيه ، ودي الصوره الي بيشوفها المستخدم بتاعك اثناء تصفح المينيو بتاعتك حاولي ان الصوره دي تكون معبره.
بعدها بتدخلي بقيه المعلومات المطلوبة واضغطي حفظ…
وبكدة تم اضافة وجبتك.

تصنيفات الأكل الرئيسية

ودي التصنيفات الأساسية الي بتقدمي فيها الاكل زي مثلا الاطباق الرئيسية
اختاري من الشمال فوق تصنيفات الاكل الرئيسية احنا بنقترح عليكي التصنيفات دي.. وطبعا انت تقدري تعملي أي تصنيف براحتك
الاطباق الرئيسية Main dishes
الحلويات Dessert
خزين البيت Storage

استكمال بيانات المطبخ

ادخلي علي لوحه تحكم المطبخ ومن علي الشمال علي “بيانات المطبخ
هتضيفي ” عنوان المطبخ في المتصفح” ودا عنوان ثابت ليكي علي اروبة
https://www.arobaapp.com/menu-your-link
ومكان ال your-link دا عنوان مطبخك
وبعدها راجعي البيانات الموجوده لو محتاجه أي تحديث .. وراجعي العنوان كويس
بعد كده ممكن تضيفي نبذه عن مطبخك وهنا بتحطي كلمه تعريفيه بسيطه تعرف الناس عليكي وعلي مطبخك.

تحديد موقعك علي الخريطه

دي اهم خطوة ومن خلالهم بتحددي مكانك فين علي الخريطه..
هتضغطي علي ” أضغط هنا للوصول الي موقعك من خلال عنوانك المسجل
بعدها تقدري تحركي النقطه الموجوده علي الخريطه للوصول لموقعك بالظبط.

ظبط الاعدادات العامه

من علي الشمال فوق هتلاقي الإعدادت
ومن خلالها تقدري تضيفي لوجو مطبخك وصوره الغلاف وتحديد الاعدادات العامه ومواعيد العمل.

اعدادات تكاليف التوصيل

اخر نقطه في الاعدادات الاساسية لمطبخك ومن خلالها تقدري تحددي تكاليف التوصيل يعني مثلا ان التوصيل مجاني لو الاوردر اكتر من ٢٠٠ جنيه.
أو تعملي جدول مسافات .. يعني كل ما كان المشتري ابعد ، تكون تكلفه التوصيل اعلي.
من القائمه الي علي الشمال.. اختاري تكاليف التوصيل
وبعدها كملي الاعدادات

دي كانت الخطواط الاساسية في تسويق الاكل البيتي علي أروبة.

في صفحه الاعدادات المتقدمه للطهاه .. هتلاقي فيها شرح لأمكانيات اكتر هتفيدك في طريقه عرض اكلاتك علي أروبة.

لو لسه عندك استفسارات تانيا ممكن تزوري صفحه الاسئلة الشائعة او ابعتلنا مباشره سؤالك واحنا هنرد عليكي.

Switch The Language

    Etiam magna arcu, ullamcorper ut pulvinar et, ornare sit amet ligula. Aliquam vitae bibendum lorem. Cras id dui lectus. Pellentesque nec felis tristique urna lacinia sollicitudin ac ac ex. Maecenas mattis faucibus condimentum. Curabitur imperdiet felis at est posuere bibendum. Sed quis nulla tellus.

    ADDRESS

    63739 street lorem ipsum City, Country

    PHONE

    +12 (0) 345 678 9

    EMAIL

    info@company.com